.

भोलि शुक्रबार प्रदर्शन  हुने भनिएता पनि वितरकको दवावमा  भाईटिकाको दिनमा  पोष्टपोण्ड भएको चलचित्र म छु नि तिम्रो ले यूनिभर्सल र्सर्टिफिकेट पाएको छ ।

 

रोज राणाले निर्माण गरेको सो चलचित्रलाई मदन घिमिरेले निर्देशन गरेका हुन । जुन चलचित्रको जाँचपासका लागि आज साँझ  सेन्सर बोर्डमा लगिएको थियो । चलचित्रका मुख्य नायक समेत रहेका रोजले सेन्सर सर्टिफिकेट हातमा लिएपछी भने 'मेरो विगतका चलचित्रहरू  जस्तै यो चलचित्रमा पनि कहि कतै सेन्सरको कैची लागेन ।' यू सर्टिफिकेट को अर्थ  सवै बर्गका दर्शकले चलचित्र  हेर्न  पाउने आनुमति हो   ।   चलचित्रमा सौजन्य सुब्बा र आयुष रिजाल पनि प्रमुख भूमिकामा छन् । चलचित्रलाई सेन्सरबोर्डका पदाधिकारी तथा केही सञ्चारकर्मीले पनि हेरेको रोजले जानकारी दिए ।  

 

यस्तै यो चलचित्रको तिमिलाई न्यानो हुन्छ भने बोल सेन्टीमेन्टल गीत अहिले निकै  चर्चामा छ । म छु नि तिम्रो  प्रदीप उदयको चलचित्र हाम्रो माया जुनी जुनी लाईसंगै रिलिज हुदैछ । तर उपत्यका बाहिर मात्र यि दुई को भिडन्त हुनेछ । किनकी म छुनि तिम्रो अर्को सिजनमा मात्र काठमाण्डूमा रिलिज हुने कुरा छ । प्रदीप र रोजले यस अघिको प्रोजेक्ट पनि जुधाएका थिए । उता  एकैदिन रिलिज हुने भनिएको प्रदीपको चलचित्रको पनि केही दिनमा सेन्सर गरिने बताईएको छ । 

 source www.filmykhabar.com